Është ndarë nga jeta në moshën 70-vjeçare ish-piloti i Formula 1, Niki Lauda.
Bashkëshortja e pikëlluar vendosi një nga kaskat e legjendës së Formula 1 në arkivolin e tij gjatë funeralit që u mbajt në Vjenë të mërkurën, ndërsa qindra njerëz u mblodhën për t’i dhënë lamtumirën.
Birgit Lauda, 40 vjeç, dhe djemtë e saj Mathias dhe Lucas u fotografuan duke vendosur kurora, lule dhe fotografi të Lauda-s në arkivolin e tij, ndërsa ndoqën ceremoninë në Katedralen St. Stephen në qytetin e lindjes.
Qindra tifozë u renditën në radhë për orë të tëra jashtë kishës së famshme para se të lejoheshin të kalonin pranë arkivolit.
Lauda, tre herë kampion bote, i cili i mbijetoi aksidentit të tmerrshëm në vitin 1976, ku mbeti i djegur rëndë dhe i shpërfytyruar, vdiq javën e kaluar në moshën 70-vjeçare.
Ai ndërroi jetë në Spitalin Universitar të Zurich-ut në Zvicër, nëntë muaj pasi iu nënshtrua një transplanti në mushkëri.
Yjet e Formula 1 ishin gjithashtu në ceremoninë e lamtumirës së kolegut të tyre.
Heroi i garave me makina do të varroset në Doebling pranë nënës së tij të ndjerë.
Familja thuhet se refuzoi një ofertë nga Vjena për t’u prehur në varrezat e mëdha qendrore të qytetit.
