Mbrëmjen e djeshme në “Për’puthen” u prezantuan të gjithë djemtë që i janë bashkuar programit për këtë sezon. Ndërkohë ditën e sotme u prezantuan dy vajza të reja, që ju bashkuan konkurrenteve.
E para prej tyre quhet Ada dhe është 28 vjeçe. Ajo është me origjinë nga Skrapari dhe ka përfunduar Fakultetin e Mjekësisë. Ada ushtron profesionin e infermieres dhe e cilësoi veten si një femër ambicioze, që arrin gjithçka që dëshiron në jetë.
View this post on Instagram
Reagimi nga ana e djemve ishte i menjëhershëm dhe ata nuk nguruan të komplimentonin konkurrenten më të re për aparencën e jashtme. Ndërkohë, nuk ishte kaq miqësore Ritvana e cila “e sulmoi” menjëherë Adën, por kjo e fundit u mbrojt nga të gjithë djemtë. Në debat u përfshi edhe Tola, e cila u akuzua nga Juli se po imiton Shqipen.
Konkurrentja tjetër Mikela është 26 vjeçe dhe dashuria e parë është qeni i saj me emrin Koko, e tashmë ajo shpreson të gjejë dashurinë e vërtetë në emision. Mikela shprehu lumturinë që është pjesë e programit dhe tha se dëshiron që të gjejë aty mashkullin ideal.
View this post on Instagram
Ndërkohë pritet që konkurrentëve t’ju bashkohet dhe një vajzë tjetër, që do të prezantohet ditët në vijim. Më herët janë prezantuar 2 konkurrente të tjera, Ritvana Fetahu dhe Arilda Nezha.
