I ftuar në shfaqjen e Ellen Degeneres, Travis Scott foli për herë të parë për ndjesinë e të qënit baba dhe si reagoi ai gjatë lindjes së vajzës.
Më herët Kris Jenner kishte treguar se ajo ishte në dhomë bashkë me Travis kur Kylie lindi vajzën dhe reperi tha se ajo po e ndihmonte dhe udhëhiqte atë gjatë gjithë procesit të lindjes sepse atij i dukej shumë e frikshme.
Ajo që e frikësoi atë më shumë nuk ishte në të vërtetë lindja, por placenta, e cila është një organ që rritet në trup gjatë shtatzënisë dhe nëna e nxjerr jashtë me lindjen e fëmijës.
Travis, duke qenë baba për herë të parë nuk kishte asnjë ide se çfarë ishte kjo gjë.
“Ishte një gjë që quhet placenta dhe unë se kisha dëgjuar kurrë! Oh zot, u frikësova shumë nga ajo. Por unë preva kordonin e kërthizës dhe Kris e mbajti. Mama Kris Jenner është më e mira”- tregoi Travis.
Ai tha gjithashtu se gjatë kësaj kohe ishte mjaft i shqetësuar sepse ai dhe Kylie ishin shumë të rinj, Kylie 20 vjeç ndërsa ai 25 vjeç.
“Unë isha nervoz dhe i frikësuar sepse ne të dy jemi të rinj. Por kur merr për herë të parë një fëmijë në krahë është një ndjesi e pakontrollueshme. Nuk mendoja kurrë se do ta doja kaq shumë dikë, është çmenduri” – shtoi më tej reperi.
