Kledi Bahiti dhe partnerja e tij, Pejana Elezi, u bënë prindër për herë të parë në muajin tetor të vitit të shkuar. Dyshja u bekuan me një djalë, të cilin vendosën ta quajnë Gred. Ndërkohë në muajin dhjetor ata vendosën ta prezantonin për herë të parë me botën vogëlushin e tyre.
Çifti u shfaq në një kopertinë të revistës “Bordo”, ku pozuan për herë të parë familjarisht me të voglin e tyre. Gred është vetëm 3 muajsh dhe është ende e vështirë për të kuptuar kujt i ngjason më shumë, por nga fotot ai dukej një fëmijë shumë i shëndetshëm.
Ndërkohë që Gred po rritet, babi Kledi ka vendosur që t’i fusë që tani në gjak pasionin për muzikën dhe t’i trashëgojë në këtë formë profesionin e tij. Ditën e sotme kantautori ka publikar një video shumë të ëmbël në të cilën shihet i ulur përballë pianos në një studio bashkë me të voglin. Ndërkohë që Kledi luan në piano Gredi e dëgjon me kujdes dhe nuk ka se si në të ardhmen të devijojë nga rruga e muzikës.
Ndërkohë para disa ditësh në mediat rozë u raportua se Kledi Bahiti ishte infektuar me Covid-19 së bashku me Pejanën dhe vogëlushin e tyre. Thuhej se ata ishin në gjendje të mirë shëndetësore dhe mesa duket e kanë kaluar fatmirësisht në formën më të mirë koronavirusin.
