Pas transportit ndërqytetas që nisi dje, sot ka nisur edhe transporti urban në Tiranë, ku linjat për në Linzë dhe Shkozë kanë filluar punën.
Pasagjerët janë pajisur me maska pasi mbajtja e tyre është bërë e detyrueshme në protokollin e ri të sigurisë. Gjithashtu janë përcaktuar rregulla në lidhje me kapacitetin e mjetit si dhe distancën.
Ndërkohë autobusët nga Korça, Vlora, Shkodra e Fieri kanë nisur punën nga dje me udhëtimet drejt Tiranës, por edhe drejt qyteteve të tjera.
Ndërsa punonjësit e linjave kryesore të kryeqytetit mbajtën një protestë dje përpara Ministrisë së Infrastrukturës dhe Transporteve, ku kërkuan një tjetër pagë lufte.
Protesta më pas u bllokua nga policia, dhe u shoqëruan drejt komisariatit për tubim të paligjshëm.
Unioni i shoqatave të transportit qytetës dhe ndërqytetës shprehen se nuk duhet që mbajnë ata përgjegjësi nëse pasagjerët nuk respektojnë rregullat.
