Kryeministri Edi Rama, me anë të një postimi në rrjetet sociale ka njoftuar se e ardhmja e afërt e transportit rrugor ndërqytetës do të jetë online në e-transport. Kjo platformë do të aplikohet falas për 520 linja, 242 operatorë dhe 2,282 mjete. Sipas kryeministrit kjo platformë inovative do të menaxhojë e monitorojë fluksin e udhëtarëve në linjat e transportit. Numri i biletave që do të qarkullojnë në vit nga kjo platformë janë 50 milionë bileta në vit. Rama thotë se kjo do të sjellin një përmirësim rrënjësor të eksperiencës së udhëtimit.
“Për herë të parë në Shqipëri, kjo platformë inovative do të menaxhojë e monitorojë fluksin e udhëtarëve në linjat e transportit, për gati 50 milionë bileta udhëtimi në vit, duke sjellë një përmirësim rrënjësor të eksperiencës së udhëtimit,” ka shkruar kryeministri i vendit Edi Rama.
Në videon e prezantuar, platforma do të shërbejë për agjencitë, robotët biletashitës, linjat, oraret, stacionet dhe tarifat. Kjo platformë do të përmbajë një modul biletimi elektronik përmes aplikacionit dhe faqes zyrtare, të aksesueshëm në autobus/terminal dhe në agjenci.
Platforma e re e Drejtorisë së Përgjithshme të Shërbimeve të Transportit Rrugor, Ministrisë së Infrastrukturës dhe Energjisë, Agjencisë Kombëtare të Shoqërisë së Informacionit dhe portalit qeveritar e-Albania, do të mund të përdoret edhe nga turistët e huaj. Nuk dihet ende data e publikimit të platformës nuk dihet ende.
