Mund t’ju duket e pabesueshme ose si një regji filmi, por kjo është historia e dashurisë së Linda Reit, transgjinorja e njohur shqiptare. Ajo po jeton një histori të bukur dashurie prej tre muajsh, me djalin e një prej biznesmenëve të njohur në Zvicër, i cili ka një nga hotelet më luksoze në Lugano.
28-vjeçari dëshmoi se është një djali i ëndrrave që çdo vajzë do ta dëshironte në jetën e saj. Linda tregoi se si i erdhi propozimi i biznesmenit në një intervistë me “Story”.
“Kur u njohëm s’dinte kush isha, sepse ai nuk ndjek televizione shqiptare. Për herë të parë u pamë tek hoteli i tij. Unë isha me një shoqe duke pirë kafe. Ditën e tretë të qëndrimit tim atje erdhi, bëri gjasme sikur ishte kamarier, që po na merrte porosinë. Ishte gjest shumë simpatik nga ana e tij”, shprehet ajo.
Për mënyrën se si ja tregoi ajo të vërtetën e së shkuarës së saj, Linda përgjigjet:
“Fakti që më njohu pa ditur që në Shqipëri dhe në Kosovë jam bërë një personazh publik. Për më tepër, kur pas herës së parë që dolëm për darkë, kur më mori në shtëpi unë i dërgova linkun me intervistën time të parë që bëra në “Top Show”, pasi doja të kuptonte kush isha unë dhe të kaluarën time. Prisja një reagim pak negativ, por ndoshta nga fakti që ka lindur në Zvicër, nuk i bëri përshtypje. Ai më tha se po njeh Lindën sot, dhe sikur të kisha qenë unë kriminele ose çdo gjë tjetër më parë, ajo është e shkuar, dhe se nuk ka shumë rëndësi për të”.
Ndërsa i ati i të riut, pavarësisht se kishte një sjellje të ftohtë në fillim, më pas pranoi lidhjen e djalit të ti: “Tha që është jeta e djalit dhe po të jetë i lumtur i biri është çdo gjë ok për të”.
Ndërsa tregon se partneri i saj është shumë xheloz, Linda thotë se e ka detyruiar që të fshijë të gjitha fotot provokuese nga rrjetet sociale. “Ai më thotë se deri sa isha single ok, ishte për punë, është për show postimi i fotove të tilla.
“I ke bërë këto gjëra, por tani s’ka më!”, më thotë ai. Kam fshirë më shumë se 60 foto në Instagram, dhe kjo është dhe arsye pse komentet janë të mbyllura”.
