Lëkundje tërmeti janë ndjerë mbrëmjen e sotme në vendin tonë duke rikthyer frikën tek qytetarët.
Sipas EMSC, epiqendra ka qenë 19 km nga Durrësi dhe 31 km nga Tirana dhe është ndjerë në orën 20:30. Po kështu nga EMSC raportohet se tërmeti ka qenë me magnitudë 2.9 të shkallës Rihter, por nga të dhënat e Institutit të Gjeoshkencave, Energjise, Ujit dhe Mjedisit raportohet për 3.1 të shkallës Rihter.
Kujtojmë se 3 ditë më parë një tërmet 3.1 i shkallë Rihter goditi Lezhën, duke ngjallur jo pak frikë.
Sipas ekspertëve, lëkundjet e tërmetit të fuqishëm të 26 nëntorit do të vazhdojnë të ndjehen për disa muaj, ndaj nuk ka vend për panik.Më 26 nëntor, Shqipëria u godit nga një tërmet 9 ballë i shkallës Rihter, i cili u mori jetën 51 personave dhe dëmtoi qindra shtëpi, duke shkaktuar një dëm të konsiderueshëm ekonomik.
Në muajin shkurt, BE mblodhi një fond prej 1.15 miliardë eurosh, midis të cilave dhurime dhe borxhe me interes të ulët, të cilat do të shkojnë për programin e rindërtimit.
