Një ngjarje e rëndë ka ndodhur dje pranë Urës së Zogut në Milot. Një djalë 14-vjeçar është mbytur teksa lahej në lumin Mat, së bashku me shokët e tij.
Hedhja nga Ura e Zogut për t’u larë në lumin e Matit rezultoi fatale për 14-vjeçarin nga Miloti i Kurbinit.
Ngjarja e rëndë ndodhi dje rreth orës 16:00. Familjarët, banorët e zonës si dhe forcat e policisë kanë kërkuar gjatë gjithë natës, ndërsa vetëm ditën e sotme rreth orës 11:00 është arritur të gjendet trupi i pajetë i të riut.
Lumi i Matit frekuentohet gjatë stinës së verës nga banorët e zonave përreth për të bërë plazh dhe ura shërben si trampolinë për t’u hedhur në lumë. Një veprim i rrezikshëm që besohet se i mori jetën edhe djalit 14-vjeçar.
Burimi: Balkanweb
