Një ngjarje tronditëse ka ndodhur pasditen e sotme në rrugën Shkodër-Tiranë, përkatësisht në Kryebushat, ku si pasojë e një aksidenti të rëndë kanë mbetur të vdekur 2 persona dhe 4 të tjerë janë plagosur.
Raportohet se të paktën dy makina janë përfshirë në aksident dhe se viktimat janë femra të moshës 40 dhe 45 vjeç.
Ndërkohë, identiteti i personave të përfshirë në aksidentin në fjalë dhe shkaqet pse ka ndodhur ngjarja, pritet që të publikohen në vijim. Forcat e policisë aktualisht po punojnë për zbardhjen e plotë të ngjarjes. /balkanweb.com
