Një djalë i ri ka humbur jetën këtë të martë në fshatin Krajen të Lezhës. Mësohet se 29-vjeçari ka ndërruar jetë si pasojë e mbytjes në ujë. Nga veprimet e para të policisë, rezulton se i riu është gjetur i pajetë, pa shenja dhune. Viktima me inicialet B. L po notonte në një rezervuar uji pranë banesës së tij dhe është gjetur mëngjesin e sotëm nga familjarët.
“Më datë 21.08.2018, rreth orës 06:30, në fshatin Krajen në Lezhë, në një rezervuar uji, afër banesës se tij, është gjetur i vdekur dhe pa shenja dhune, shtetasi B.L., 29 vjeç. Nga veprimet e kryera, dyshohet se vdekja ka ardhur nga mbytja në ujë. Materialet u referuan në Prokurorinë pranë Gjykatës së Shkallës Parë Lezhë, për ngjarje aksidentale”- thuhet në njoftimin e policisë.
