Mbrëmjen e sotme është shënuar një aksident tragjik në kryqëzimin e Borizanit në Fushë-Krujë.
Katër të rinj në automjetin e tipit “Audi”, janë përplasur me një trailer me targa Kosove.
Tre prej të rinjve ndërruan jetë për shkak të aksidentit fatal, ndërsa një tjetër ka mbetur i plagosur rëndë dhe po transportohet në Spitalin e Traumës në Tiranë.
Sipas të dhënave të para, të rinjtë po ktheheshin nga veriu për në Tiranë.
Aksidenti ndodhi në orën 20:30, orar i ndaluar për qarkullimin e automjeteve dhe mbetet ende të zbulohet nëse “Audi” kishte autorizim për të lëvizur në këtë orar.
