Këngëtari Sam Jayne, që është edhe drejtues i grupit “Love as Laughter” është shpallur i vdekur. Në datën 6 dhjetor ishte bërë një denoncim për zhdukjen e tij dhe më pas miqtë filluan një fushatë në rrjete sociale për të kërkuar këngëtarin.
Pas shumë kërkimeve, këngëtari është gjetur si përfundim i vdekur brenda në makinën e tij. Nga hetimet paraprake nuk rezulton të ketë ndonjë shenjë krimi.
Edhe miq të këngëtarit e kanë konfirmuar vdekjen e tij përmes postimeve prekëse në rrjete sociale.
“Sam ynë i dashur nuk është më me ne, por do të qëndrojë gjithmonë në mendjen tonë. Ju lutem respektoni privatësinë e familjes tonë”, ka shkruar Zake Howard, anëtar i grupit “Love and Laughter”.
Sam Jayne ka qenë gjithashtu edhe anëtar i “Modest Mouse” në vitet ’90.
