Ka shkuar në 139 numri i viktimave nga koronavirusi në Shqipëri, pasi mësohet se sot ka ndërruar jetë një burrë i moshës 39 vjeç, i cili ishte prekur prej ditësh nga COVID-19, ndërsa së fundmi ishte futur në intubim.
39 vjeçari ishte mësues në Medresënë e Shkodrës dhe pavarësisht përpjekjeve të mjekëve, ai nuk ka mundur të fitojë luftën me virusin.
Sipas BalkanWeb, i ndjeri ka qenë i shtruar në spitalin Covid-2 “Shefqet Ndroqi” për 10 ditë. Mësohet se familja e tij kishte kërkuar ndihmë financiare, për ta transportuar për kurim drejt Turqisë. Rasti pritet të konfimrohet nga Ministria e Shëndetësisë në raportin ditor.
Ditët e fundit ka patur një rritje të vazhdueshme të të vdekurve nga koronavirusi në Shqipëri, ndërkohë që Ministria e Shëndetësië vazhdon të bëjë thirrje për mbajtjen e maskës dhe respektimin e masave të distancimit fizik.
Aktualisht në spitalin Infektiv dhe spitalin “Shefqet Ndroqi” po trajtohen 112 pacientë, 19 janë në terapi intensive dhe 7 pacientë janë të intubuar.
Shpërndarja gjeografike e rasteve aktive sipas qarqeve:
Tiranë 1056
Durrës 220
Shkodër 203
Vlorë 100
Lezhë 84
Korçë 69
Fier 58
Elbasan 48
Kukës 37
Berat 31
Gjirokastër 19
Dibër 18
