Ish-partnerja e boksierit të famshëm Floyd Mayweather, Josie Harris, është gjetur e vdekur në shtëpinë e saj në Valencia.
Sipas burimeve, 40-vjeçarja u gjet pa shenja jete në makinën e saj rreth orës 09:30 të mëngjesit.
Policia ndodhet në vendin e ngjarjes duke hetuar situatën dhe dyshimet e para lidhen me një vetëvrasje.
Më herët, Mayweather dhe Harris, të cilët kanë edhe tre fëmijë së bashku, nuk kishin një marrëdhënie të qetë me njëri-tjetrin dhe në vitin 2010 boksieri u dënua për dhunë ndaj partneres.
Harris pretendoi se Floyd hyri në shtëpinë e saj në Vegas teksa ajo flinte dhe pastaj e sulmoi para fëmijëve të tyre.
Kohë më vonë, boksieri i mohoi akuzat e dhunës, duke treguar se asokohe Harris drogohej.
“A e kam mbajtur një grua që ishte përdoruese droge? Po, e bëra. Kështu që nëse thonë se kjo është dhuna në familje, atëherë, e dini çfarë? Jam fajtor. Unë jam fajtor që kam frenuar dikë.”- u shpreh më herët ai.
Mayweather ende nuk ka reaguar pas vdekjes së nënës së 3 fëmijëve të tij.
