Ministrja e Shëndetësisë, Ogerta Manastirliu, ka deklaruar në një lidhje të drejtpërdrejtë se deri tani janë testuar 283 raste, ndërsa 15 kanë rezultuar pozitive, përfshirë edhe rastin e viktimës në Durrës.
Manastirliu deklaroi se vazhdon analizimi i kampionëve të dytë të analizave.
“Vazhdon kampioni i dytë i analizave. Një punë e madhe po bëhet në spitalet tona. Janë 283 raste te testuara dhe 15 raste pozitive. Po bëhet një punë e madhe në territor, qoftë në shërbimin që po ofrohet.
Lulzim Basha bën propagandë për maskat, për Spitalin e Durrësit dhe për paqjisjet e mbrojtjes personale. Mjekët dhe infermierët janë prioritet me ne dhe jaën pajisur me mjete”- u shpreh Manastriliu.
Gjithashtu, ministrja publikoi edhe rezultatin e analizave të personave në spitalin e Durrësit, të cilët kishin hyrë në dhomën e viktimës.
Fatmirësisht, analizat e tyre rezultuan negative.
