Natën e kaluar është gjendur e vdekur ylli i televizionit anglez, Sophie Gardon, e cila ishte vetëm 32-vjeç. Ajo u shpall Miss Britania në vitin 2010 dhe njihet nga të gjithë për rolet e shumta në spektaklet televizive.
Mbrëmjen e djeshme policia shkoi me nxitim në një adresë në Ponteland, Nourthumberland, ku ajo u gjet e vdekur, vetëm pak orë pasi ajo kishte biseduar për serinë e fundit të shfaqjes së saj në “ITV2”.
I dashuri i saj Aron Armstrong, vetëm pak orë pasi Sophie u nda nga jeta bëri një status në Twitter.
“Unë kurrë nuk do ta harrojë atë buzëqeshje, të dua shumë vogëlushja ime. Ti je bota ime përgjithmonë”, shkruante i dashuri i saj.
Në lidhje me ngjarjen tragjike ka folur për “Daily Mail” një zëdhënës i policisë.
“Rreth orës 8:27 pasdite dje policia shkoi pranë një prone në Medburn, Ponteland, ku për fat të keq një grua 32-vjeçare u gjet e vdekur. Nuk besohet të ketë ndonjë rrethanë të dyshimtë rreth vdekjes së saj, ndërkohë po pritet rezultati i raportit mjekësor.”, ka thënë zëdhënësi i policisë.
Sophie u kurorëzua Miss Newcastel në vitin 2008 dhe Miss Great Britain në vitin 2010. Në vitin 2016 ajo mori pjesë në shfaqjen “Love Island” ku ajo u bë garuesja e parë e cila krijoi një marrëdhënie homoseksuale në të reality-show, me modelen Katie Salmon.
Pas lajmit të trishtë të ndarjes së saj nga jeta miqtë dhe familjarët e saj janë shprehur të pikëlluar nëpërmjet statuseve të ndryshme në rrjetet sociale.
Burimi: Daily Mail
