Një nënë 28-vjeçare po përballet me akuzën për vrasje të shkallës së dytë në Misisipi, pasi autoritetet e kanë akuzuar atë për braktisjen e djalit të saj 10-muajsh në një makinë duke shkaktuar vdekjen e tij.
Elizabeth Marie Barhonovich, e cila jeton në Vancleave, Misisipi, u arrestua të martën dhe po mbahet nga Zyra e Sherifit të Qarkut Jackson.
Policia bëri me dije se djali i saj 10-muajsh, Kash Barhonovich, vdiq më 14 qershor “pasi u la në automjetin e nënës së tij, që ishte parkuar jashtë shtëpisë së saj në temperatura shumë të larta.
Të dhënat tregojnë se temperaturat shkuan deri në 34 gradë në ditën kur Kash vdiq. Indeksi i nxehtësisë ishte 36 gradë.
Deklarata e autopsisë tregon se vdekja e Kash-it lidhet me hiperterminë – dmth, temperatura e tij e trupit ishte shumë e lartë.
