Virusi i rrezikshëm COVID-19 nuk ka kursyer as jetën e mjekut të njohur shqiptar, Ilirjan Draçi.
Ai nuk e ka fituar dot betejën me këtë virus ndaj ka mbyllur sytë përgjithmonë, ndërsa këtë lajm të hidhur e ka dhënë ministrja e Shëndetësisë, Ogerta Manastirliu,
Manastirliu bën me dije se mjeku Draçi ishte i shtruar në Spitalin Infektiv dhe pavarësisht përpjekjeve të shumta, nuk ia ka dalë dot.
Mesazhi i ministres Manastirliu:
“Dr. Ilirjan Draçi ishte mjeku që me profesionalizëm e përkushtim i shërbeu komunitetit të banorëve të Tiranës për vite e vite me rradhë si mjek dhe drejtues në poliklinikën e specialiteteve nr.1.
Dr. Ilirjani nuk ia doli në betejën me virusin e pabesë me gjithë përpjekjet e mëdha të kolegëve në spitalin Infektiv.
E trishtuar nga kjo humbje e madhe për të gjithë ne. Do na mungojë shumë energjia e pashtershme dhe shpirti i sakrificës së një mjeku model, qytetari të mirë dhe drejtuesi të zotë.
U prehsh në paqe dr. Draci
Ne do ta fitojmë luftën ndaj këtij armiku të padukshëm të gjithë #bashkë!”
Draçi ka shërbyer për vite me radhë si mjek dhe drejtues në poliklinikën e specialiteteve nr.1.
