Covid-19 i ka marrë jetën drejtorit të Pallatit të kulturës në Librazhd, Arianit Alliu, në moshën 46-vjeçare. Është mësuar se prej 2-javësh i ndjeri kishte qenë i shtruar në Tiranës, por nuk ka arritur ta fitojë betejën me virusin e rrezikshëm.
Alliu la pas 3 fëmijët e tij dhe bashkëshorten. I ndjeri që në një moshë të vogël ju përkushtua skenës, kulturës, valles dhe artit të trevave të Librazhdit. Për kontributin dhe vlerat e çmueshme atij i ishte besuar drejtimi i Pallatit të Kulturës “Sadi Halili”.
Alliu ka qenë pjesëmarrës në shumë festivale në Shqipëri, Diasporë, Ballkan, Europë deri në Azinë e largët dhe kudo. Në rrjete sociale ai kishte postuar së fundmi një foto të tij, në të cilën shihet i veshur me një kostum tradicional shqiptar.
Ndërkohë kujtojmë se që nga fillimi i pandemisë e deri më tani në vendin tonë kanë humbur jetën 822 persona.
