Një ngjarje e rëndë ka ndodhur pasditen e sotme në Gramsh. Një vajzë 11-vjeçare është mbytur pasi ka rënë aksidentalisht në liqenin e hidrocentralit të Banjës.
“Rreth orës 16:20 jemi njoftuar se një fëmijë me inicialet A.T, 11 vjeçe banuese në fshatin Trashovicë, Gramsh, dyshohet se ka rënë aksidentalisht në liqenin e hidrocentralit të Banjës.
Në vendngjarje kanë shkuar shërbimet e policisë, grupi hetimor dhe polumbarë, ku kanë bërë të mundur gjetjen dhe nxjerrjen e trupit të pajetë. Grupi hetimor po punon për sqarimin e plotë të rrethanave të ngjarjes”, thuhet në njoftimin e policisë.
Burimi: Balkanweb
