Një tragjedi ka ndodhur mëngjesin e sotëm në Algjeri. Një avion me 200 persona në bord është rrëzuar në afërsi të kryeqytetit. Sipas raportimeve zyrtare të forcave ushtarake deri më tani janë gjetur trupat e 105 personave ndërsa dyshohet se nga ky aksident i tmerrshëm nuk ka asnjë të mbijetuar.
Avioni u rrëzuar në orën 8:00 të mëngjesit të sotëm vetëm pak minuta pasi u ngrit në ajër nga baza ajrore në Boufarik. Videot e publikuara në rrjete sociale tregojnë një re të madhe tymi që ngrihet në ajër nga kjo katastrofë ajrore.
Shkaqet e këtij incidenti të tmerrshëm ku humbën jetë shumë ushtarakë nuk dihen. Autoritetet dyshojnë për ndonjë defekt të mundshëm të mjetit fluturues.
