Një ngjarje tragjike ka ndodhur në Stacionin Hekurudhor të Nju Delhit, ku një shtypje e turmës ka shkaktuar vdekjen e rreth 18 personave dhe ka lënë të plagosur të paktën 10 të tjerë.
Mijëra njerëz ishin grumbulluar në stacion gjatë natës të shtunën, duke pritur të hipnin në trena që kishin vonesa. Nga viktimat, katër ishin fëmijë dhe 10 ishin gra, sipas një liste të publikuar nga autoritetet.
Kryeministri indian, Narendra Modi, ka shprehur ngushëllime dhe ka thënë se mendimet e tij janë me ata që humbën të dashurit e tyre.
Ngjarjet e shtypjes së turmave janë të zakonshme në Indi, ku ka shpesh mbipopullim gjatë ngjarjeve fetare dhe festave. Ky incident ka ndodhur disa javë pas një ngjarje tjetër tragjike gjatë festivalit Kumbh Mela, ku humbën jetën 30 persona.
Në Nju Delh, dëshmitarët thanë se turma ishte shumë e madhe, duke krijuar vështirësi për t’u futur në stacion. Disa nga ata që udhëtonin për në Prayagraj, qytet ku po mbahej Kumbh Mela, po prisnin trenat për të udhëtuar. Dy trena kishin vonesa dhe një tjetër priste të nisej për në Prayagraj.
Autoritetet po hetojnë për shkakun e shtypjes, dhe KPS Malhotra, zv/drejtor i policisë hekurudhore, tha se shtypja ka ndodhur për shkak të vonesave të trenave dhe grumbullimit të njerëzve.
Liderët e opozitës kanë kritikuar qeverinë për mosmarrjen e masave të duhura.
Top Channel
