Gerard Pique është kthyer sërish në qendër të vëmendjes këtë javë pasi konfirmoi lidhjen e tij me Clara Chia-n në mënyrën më të qartë: duke e lënë veten të shihej me të në një koncert të Dani Martin.
Futbollisti mund ta ketë nisur lidhjen aktuale shumë më herët se 4 qershori, kur u njoftua ndarja e tij nga Shakira.
Këtë e konfirmon “Vanitatis”, i cili, duke cituar burime pranë lojtarit, pretendon se Pique “e kishte kthyer faqen shumë përpara ndarjes”.
Fillimisht u besua se të dy e njihnin njëri-tjetrin sepse Chia punon në Kosmos, kompaninë e futbollistit. Megjithatë, faqja e internetit “Vanitatis” ka zbuluar të vërtetën mbi këtë temë.
“Clara ishte një kameriere në një nga klubet ku Pique shkoi për të festuar me Riqui Puig dhe shokët e tjerë të skuadrës. Ishte pëlqim i menjëhershëm,” thotë burimi.
“Në atë kohë, thashethemet për një ndarje me këngëtaren ishin tashmë të forta, ajo që ne nuk dinim ishte se lidhja tashmë ishte prishur dhe ata jetonin të ndarë”.
Shoku i skuadrës së Barcelonës, Puig, duket se është pjesë e arsyes pse Pique dhe Chia përfunduan së bashku, sipas burimit.
“Riqui, motra e tij Carlota dhe e dashura e tij Gemma Iglesias janë të gjithë pjesë e “bandës” së Clarës”.
Kush është Clara Chia? Ajo është 23 vjeçe dhe me origjinë nga Barcelona. Ajo është në fakt një punonjëse e Kosmos, kompanisë së prodhimit të drejtuar nga Pique.
