Fotografia e tij si i dënuar në 2014-n i ndryshoi jetën dhe që atëherë ka nisur një karrierë të suksesshme në modeling.
Jeremy Meeks tregoi se ka përparuar, që pas daljes së tij nga burgu, ndërsa u pa duke pozuar me modelen Olga Buzova, gjatë regjistrimit të një fushate të re mode, në Moskë, të mërkurën.
Ish-krimineli më i bukur në botë, i cili është në një romancë me miliarderen trashëgimtare të “Topshop”, Chloe Green, nga korriku i vitit të kaluar, dukej shumë joshës teksa i dha një puthje në buzë modeles.
Jeremy tregoi se është shumë profesionist para kamerës, ndërsa ishte i veshur me kostum të zi, këmishë të bardhë dhe atlete.
Dyshja dukej sensacionale, teksa u afruan te kamera për t’i ofruar një puthje njëri-tjetrit. E dashura e modelit, Chloe, nuk ishte prezentë gjatë xhirimeve dhe ndoshta Jeremy e kishte përgatitur për skenën pikante.
Chloe dhe Jeremy thuhet se ia vunë sytë njëri-tjetrit gjatë Festivalit të Filmit në Kanë, në maj të 2017-s, kur modeli sfiloi për “Phillip Plein”
Burimi: Daily Mail
