Pas 4 vitesh martesë pak të thuash turbulente, 5 vite më parë Khloe Kardashian dhe Lamar Odom vendosën të ndaheshin.
Kur themi turbulente, e kemi fjalën për tradhti dhe festa të çmendura, si edhe një varësi ndaj kokainës të cilën Lamar nuk ia tregoi Khloe-t sa kohë ishin bashkë.
“Do të doja të isha treguar më shumë burrë”, pranon Odom në një intervistë për “People”, “Kjo akoma nuk më lë të qetë. Por, edhe pendesa është diçka me të cilën duhet të mësohemi të bashkëjetojmë.”
Kampioni i basketbollit publikoi librin “Darkness to Light” (Nga drita në errësirë) ku rrëfen të pathënat e martesës me Khloe Kardashian, çfarë nuk u pasqyrua në reality show-n “Keeping Up With The Kardashians”.
Khloe dhe Lamar u martuan në 2009-ën, vetëm një muaj pasi ishin njohur. Fillimi ishte mjaltë.
“Për ca kohë, të qenit me të ishte një bekim dhe s’besoj të kem qenë ndonjëherë aq i lumtur”, shkruan Odom në librin e tij, “Ishim një prej çifteve më të famshëm në Hollywood dhe bashkë, kishim bërë shumë më shumë para sesa kur ishim më vete.”
Por, varësitë ndaj drogës dhe seksit hynë shpejt në lojë.
“Në fillim të martesës, unë i isha besnik”, shkruan ai. Me kalimin e kohës, jo vetëm nisi të kishte lidhje paralele por filloi të fshihte edhe një varësi serioze ndaj kokainës.
“S’munda ta përballoj koktejlin e famës, varësisë, karrierës në rënie dhe pabesinë”, shkruan Lamar, “Se mos harroj: paranojën, ankthin dhe depresionin… s’e mbaja dot penisin brenda pantallonave dhe kokainën larg hundës. Të varurit nga droga kanë një aftësi të paparë për ta fshehur varësinë. Kaloja në vetëmbrojtje dhe Khloe thjesht hiqte dorë.”
Gënjeshtrat dhe tradhtitë, Khloe Kardashian i mori vesh vetëm pasi u ndanë. E megjithatë, nuk ia ktheu shpinën.
Në 2015-ën, Lamar Odom e pa vdekjen me sy për shkak të një mbidoze. Khloe i qëndroi pranë derisa më në fund, e mori veten.
“Më kujtohet se u zgjova dhe po më tregonte foto të mamasë sime”- mamaja e Lamar Odom-it humbi jetën nga kanceri kur ai ishte vetëm 12- “U habita, sesi ajo tregoi aq shpejt përkushtim ndaj meje.”
“Dashuria e saj duhet të ketë qenë plotësisht pa kushte. Mendoj, se vetëm kjo mund t’i ketë dhënë forca të vazhdonte të më donte edhe në atë kohë.”
Edhe pse tashmë ka hequr dorë nga drogërat, gjërat nuk janë kaq të thjeshta për Lamar-in.
Në lidhje me Kardashianët, ai u shpreh:
“Më ka marrë malli për familjen. Shpresoj që një ditë, të ritakohemi.”
Në 2016-ën, Khloe Kardashian nisi një marrëdhënie të re me basketbollistin nga Kanadaja, Tristan Thompson. Ajo mbeti shtatzënë dhe pak ditë përpara se të lindte vajzën e tyre True, mediat publikuan foto të Tristan-it në shoqërinë e një gruaje tjetër.
Sikur të mos mjaftonte, në mars një superskandal e bëru Tristan-in protagonist të qindra artikujve, se kishte tradhtuar Khloe-n me shoqen e ngushtë të motrës së saj Kylie, Jordyn Woods.
Khloe dhe Tristan u ndanë zyrtarisht në mars.
