Donald Veshaj vijon të jetë në qendër të vëmendjes edhe pas daljes nga “Big Brother VIP”. Ai tashmë moderon programin “Më lër të flas” së bashku me vëllain e tij, Romeon.
Vëmendja është kthyer shumë nga dyshja.
Mirëpo së fundmi marrëdhënia e vëllezërve Veshaj me Lori Hoxhën sa vjen e përforcohet. Kujtojmë që më herët, Donaldi pati publikuar një video ku trembte Lorin.
Në fakt, Donaldi pëlqen shumë të trembë të tjerët, kujtojmë këtu rastet me Monika Lubonjën ku ai e trembte gjatë gjithë kohës brenda shtëpisë së “Big Brother VIP”.
Së fundmi, një tjetër shaka ka ndodhur mes Lorit dhe Donaldit.
Aktori shihet teksa ka veshur një bluzë, ku ka ‘zgjedhur’ Sarën në vend të Lorit. Në fakt, emrit të Lorit i ka vendosur një vizë.
Por menjëherë ka reaguar Lori. Ajo e ka cilësuar aktorin si një tradhtar.
“Tradhtar ngele”, ka shkruar Lori, por jo vetëm kaq. Madje, ajo ka vendosur edhe emoji-n e një gjarpri.
Kujtojmë që dyshja Bora-Donald janë në qendër të vëmendjes. Më herët, ata u panë së bashku duke bërë pazar në outletin Seravalle në Genova.
Më tej, u tha se dyshja janë parë në Morinë së bashku, ku ka qenë Bora në timon ndërsa Donaldi pasagjer. Që të dy kanë patur kapele në kokë, për t’u kamufluar disi.
