Moderatorin e njohur Adi Krasta nuk do ta shohim më në “E Diell”, pasi Top Channel ka vendosur të mbyllë programin.
Ai do të jetë pjesë e një formati të “late night show”, format i ngjashëm me atë të Jimmy Fallon apo Jimmy Kimmel.
Programi do të transmetohet të shtunave në mbrëmje, e siç pritet nga Krasta, ky program me siguri do t’i mbajë teleshikuesit të mbërthyer para ekranit deri në janar të 2018-s.
Krasta rikthehet kështu te vetja me një format që e ka sjellë i pari në ekranin shqiptar dhe që është shumë në modë në televizionet amerikane.
Ai u rikthye pas disa viteve mungesë në televizion, me një format tjetër të “E Diell”, ku i solli publikut një program ndryshe , me pjesëmarrjen e artistëve, politikanëve e personazheve nga fusha të ndryshme.
