Dritan Hoxha, themeluesi i “Top Medias” do të festonte ditën e sotme 50-vjetorin e lindjes. Ai humbi jetën në mënyrë tragjike dhjetë vite më parë, si pasojë e një aksidenti me makinë.
Në këtë ditë të rëndësishme, drejtuesit e “Top Channel” kanë zgjedhur të inagurojnë Studio Nova, investimin më të ri në Top Channel. “Anabel.al” raporton se hapësira gjigande prej 1800 m2, do të shërbejë si studio për rreth 20 programe të këtij sezoni televiziv dhe të atij që pason.
Tanimë, shtëpia e “Big Brother Albania” nuk do të jetë më në autostradën Tiranë-Durrës, pasi këtë sezon shtëpia dhe studio e “Big Brother VIP” do të jetë në brendësi të Studio Nova. Gjithashtu, do të inaugurohen edhe tetë studio të reja për ketë sezon televiziv.
Këtë sezon televiziv, “Top Channel” ka nisur transmetimin e 18 emisioneve, nga të cilët 7 prej tyre vijnë për herë të parë për publikun shqiptar. Që prej janarit të këtij viti, në krye të këtij televizioni është Ben Blushi, i cili ka sjellë një frymë të re ndryshimi.
Figura të rëndësishme si Eni Vasili, Jonida Shehu apo dhe Renato Mekolli iu bashkuan logos së “Top Channel”. Ndërkohë që joshjes së këtij televizioni, për pak sa nuk ra pre edhe Blendi Fevziu, i cili mori një kohë të gjatë për të marë një vendim për fatin e emisionit “Opinion.
Në sezonin e ri në muajin shkurt të vitit 2019, nisin transmetimet edhe emisionet si “Dua të të bëj të lumtur,” “The Voice Kids” dhe “Big Brother VIP”.
Burimi: Anabel.al
