Pas dorëheqjes nga emisioni i pasdites që drejtonte në Top Channel, moderatoren Jonida Shehu do ta shohim sërish në ekran.
Më shumë se dy vjet më parë, ajo vendosi të ndahet nga Ora News dhe nga emisioni i saj “Natën vonë” për t’iu përkushtuar një pune në administratë, larg gazetarisë, por shumë pak kohë pas saj, do të gjendej në Top Channel me programin e pasdites.
Ndërsa tani, pak kohë pas shkëputjes së heshtur, “Natën vonë” do të rikthehet në Klan Plus. Burime pranë revistaëho.com kanë mësuar se formati “Natën vonë”, programi i mbrëmjes të cilin Jonida e ka drejtuar në Ora News, do të rishfaqet në Klan Plus.
“Natën vonë” është projektuar enkas për të mbledhur pranë ekranit protagonistët më të rëndësishëm të ditës, për të biseduar me publikun dhe njëri-tjetrin, për çështje me interes të gjerë, por edhe për të fshehtat apo të rejat e tyre personale. Intervista të hapura, biseda të lira e pa komplekse, por edhe përballje argumentesh – gjithmonë me një atmosferë të ngrohtë.
