Ish-miss Shqipëria Almeda Abazi, e cila u martua me aktorin me famë në Turqi, Tolgahan Sayışman, do të jetë prezantuesja e sezonit të ri të emisionit të kërcimit “Dancing with the stars”.
Por sigurisht Almeda Abazi nuk do të jetë vetëm në këtë rrugëtim, pasi siç është traditë, ky spektakël prezantohet nga një femër dhe një ose dy meshkuj. Krah Abazit në “Dancing with the Stars” do të jetë edhe moderatori Rudi Hizmo.
Për këtë eksperiencë të re, ajo ka marrë mbështetjen e bashkëshortit të saj. Tolga ka publikuar një fotografi në Instastory ku njofton fillimin e DWS-në dhe fton të gjithë që ta shikojnë atë në gjuhën shqipe.
