Nëna e Beyonce, Tina Knowles është tronditur nga ajo që i ka ndodhur. Javën e kaluar një person i panjohur u fut brenda shtëpisë së 69-vjeçares. Ishte vetë Tina ajo e cila lajmëroi policinë pasi dëgjoi zhurma të çuditshme në pjesën e përparme të pronës së saj.
Aty ndodhej një burrë që po hidhte gurë në drejtim të kutisë së saj postare. Mediat bëjnë të ditur se Tina ndan shtëpinë me bashkëshortin e saj Richard Laëson, 76 vjeç. Sipas njoftimit të policisë, i dyshuari është larguar pasi zyrtarët kanë mbërritur në vendngjarje.
Një helikopter arriti ta ndiqte dhe personi në fjalë u vu në pranga dhe u dërgua në burg.
Tina dhe bashkëshorti i saj nuk pranuan të ngrinin akuza ose të bënin një kallëzim. Beyonce dhe familja e saj po përgatiten për turneun e saj të ri, i cili do të fillojë në Stokholm më 10 maj. Ajo do të udhëtojë nëpër Evropë deri në fund të qershorit, më pas do të shkojë në Amerikën e Veriut, duke performuar deri në fund të shtatorit.
