Një 60-vjeçar ka humbur betejën nga COVID-19 pasi ishte shtruar prej ditësh në Spitalin Infektiv.
Viktima është nga qyteti i Tepelenës dhe punonte si taksist. Ai kishte shfaqur shenja të virusit 10 ditë më parë, ndërsa para 5 ditësh është dërguar me urgjencë drejt spitalit Infektiv në kryeqytet.
Sipas Report tv, 60-vjeçari ndërroi jetë mbrëmjen e djeshme.
Dje Ministria e Shëndetësisë raportoi numrin më të madh të infeksioneve ditorë që nga fillimi i pandemisë në mars. Gjatë 24 orëve të fundit janë kryer 643 testime , nga ku kanë rezultuar 154 persona të konfirmuar pozitive me Covid-19, ndërsa janë shënuar edhe 5 humbje jete.
Numri total i të infektuarve ka shkuar në 6971, ndër këto raste pozitive janë 3142 dhe janë shëruar 3616 persona. Aktualisht ne spitalin Infektiv dhe “Shefqet Ndroqi” po trajtohen 114 pacientë të konfirmuar pozitivë me Covid19, 19 pacientë janë në terapi intensive, 4 prej të cilëve të intubuar.
/Iconstyle.al
