Një tjetër video-skandal është bërë publike, teksa beteja për ndarjen mes dy yjeve të Hollivudit, Johnny Depp dhe Amber Heard vijon.
Aktori është regjistruar në një video kur ka dhunuar bashkëshorten e tij Amber. TMZ e ka siguruar tashmë videon, që është xhiruar nga vetë Amber.
Ajo shfaq aktorin 53-vjeçar duke hedhur një shishe verë në drejtim të bashkëshortes dhe pastaj pyetet nga Heard nëse ka pirë shumë që në mëngjes.
“Oh, ti e dije që do të ndodhte”, i thotë Depp aktores 30-vjeçare .
Videoja e dhunshme tregon Johnny Depp aq të dehur sa që aktori përplas sirtarët e kuzhinës dhe shan. Nuk dihet se si do të ndikojë kjo video në procesin gjyqësor mes çiftit, por dihet se imazhi i tij sa vjen edhe keqësohet.
