Rreth 30 persona besohet se kanë vdekur pasi një hotel skish në Itali u mbulua nga orteku, pas një seri tërmetesh. Ekipi i shpëtimit po përpiqet ende të hyjë në Hotelin Rigopiano, në Pescara, e cila është mbuluar nga dëbora javën e fundit.
Operacioni i shpëtimit nisi pas katër tërmetesh të fuqishme që goditën Italinë qendrore, në rajonet të cilat nuk janë rimëkëmbur ende nga tërmetet që u morën jetën dhjetëra personave në gushtin e kaluar.
Raportimet mëngjesin e sotëm flasin për të paktën 30 njerëz, nga stafi dhe stafi, që rezultojnë të humbur.
“Ka shumë të vdekur”, thotë kreu i policisë alpine, Antonio Crocetta.
20 zjarrfikës, dy ekipet e shpëtimit malor, gjashtë ambulanca dhe policia lokale janë drejtuar për te hoteli natën e kaluar, por kushtet e motit shkaktuan vonesa, tha një zëdhënës i agjencisë së mbrojtjes civile.
Italia u godit nga katër tërmete brenda katër orëve të mërkurën, duke vrarë një person dhe duke sjellë terror në zonat malore të bllokuara nga dëbora, të cilat ende nuk kanë marrë veten nga terrori i vitit të kaluar.
Burimi: Daily Mail
