Pasi fshiu të gjitha fotot me të në Instagram, këngëtarja Beatrix Ramosaj u justifikua se i dashuri nuk dëshironte të bënte lidhjen e tyre publike. Por e vërteta qëndron diku tjetër, pasi lidhja me Beatrix dhe Ervi Cenollit tashmë ka marrë fund.
Për këtë ndarje ka folur vetë këngëtarja në një emision radiofonik, ku u shpreh se ai ishte i pari për të dhe bashkë kishin kaluar plot dy vite e gjysmë.
“Nuk kam folur për jetën time personale. Nuk kam qejf më të ekspozoj jetën personale. Është diçka shumë e bukur që mund t’i ndodhë dikujt. Për mua ka qenë hera e parë që kam pasur dikë dhe kam kaluar shumë kohë me të, nuk janë pak dy vite e gjysmë. Kam shumë respekt por kështu është jeta, njerëzit njihen, dashurohen, jo gjithçka mundet të ecë. Tani jam single”.
Aktualisht Beatrix është pjesë e spektaklit Your Face Sound Familiar, ndërsa për planet e saj muzikore ende nuk është bërë asgjë e njohur.
