Vera do i gjejë beqarë!
Një tjetër ndarje ka ndodhur në showbizin e huaj, e bëhet fjalë për Dominic Fike dhe aktoren në “Euphoria”, Hunter Schafer. Këngëtari i “Mona Lisa” konfirmoi ndarjen teksa po fliste në një intervistë të Apple Music me Zane Lowe.
“Thjesht kam mbaruar së qeni në një marrëdhënie tani”,-tha ai.
I pyetur për rikthimin në sezonin e tretë të “Euphoria” me ish-in e tij, artisti nuk beson se do të ketë ndonjë mundësi për ribashkim.
“Mendoj se do të jetë mirë. Të gjithë jemi të rritur. Unë po përpiqem”,-tha ai.
Kujtojmë se çifti filloi lidhjen e tyre në janar të vitit 2022, kur u panë të kapur dorë për dore në restorantin ‘The Nice Guy’ në West Hollywood. Një muaj më vonë, ata zyrtarizuan romancën e tyre kur Fike publikoi një foto në Instagram duke u puthur me Schafer gjatë një festimi ditëlindjeje.
Arsyet se përse çifti i dha fund lidhjes ende nuk janë bërë të ditur, por me siguri dyshja do tregojë diçka në ditët në vijim. Ndërkohë të dy janë fokusuar në karrierat respektive, ndaj do na duhet pak kohë derisa të zbulojmë për romanca të reja në jetët e tyre.
