Viti 2018 nisi në mënyrë të mrekullueshme për aktoren Gwyneth Paltrow, ku ajo zyrtarizoi lidhjen me skenaristin Brad Falchuk në janar, pas 4 vjetësh së bashku.
Por surprizat nuk kanë fund për çiftin pasi 45-vjeçarja do të lidhë kurorë me të fejuarin 47-vjeçar, në shtëpinë e saj në Hamptons, Nju Jork, në fund të verës.
Një burim tha për “New York Post” se ceremonia do të zhvillohet në fund të verës, pas Ditës së Punës që përkon javën e parë të shtatorit, pra më datë 4.
Por fansat e Gwyneth, e cila ka një vajzë, Apple, 14 vjeç dhe djalin Moses, 12 vjeç, me ish-bashkëshortin Chris Martin, nuk duhet të presin që aktorja të përfshihet në pjesën më të madhe të planifikimit të dasmës, sepse ajo është shumë e zënë për t’u marrë me këto gjëra.
Në një intervistë për E!News pak kohë më parë, aktorja tha:
“Unë jam shumë e zënë kështu që nuk jam e përfshirë në të. Kam shumë gjëra të mëdha dhe po ia transferoj këto detyra tjetërkujt”.
Por për një gjë Gwyneth është shumë e sigurt: ajo dhe Brad, i cili ka dy fëmijë, vajzën Isabella dhe djalin Brody me ish-gruan Suzanne Falchuk – nuk duan të zgjerojnë familjen e tyre për të pasur më shumë pasardhës.
“Asnjëri prej nesh nuk dëshiron më shumë fëmijë. Ne jemi në të njëjtin ekip. Është gjithmonë e ndërlikuar me fëmijët dhe të përpiqesh të bashkosh familjet dhe është e vështirë”.
