Zëri fantastik që shpesh është cilësuar si një miksim mes Adele dhe Lana del Rey, stili i saj i veçantë dhe arritjet në karrierën muzikore, kanë bërë që këngëtarja me origjinë shqiptare, Dua Lipa të vlerësohet me çmimin e Artistes së Re më të Mirë nga NME Magazine.
Çdo vit kjo revistë prestigjioze ndan çmime të tilla muzikore andaj kjo arritje mund të llogaritet një tjetër sukses mjaft i madh për këngëtaren e cila teksa doli të marrë çmimin u shpreh:
“Oh faleminderit shumë. Faleminderit për çdokënd që ka votuar për mua, fansat e mi. Dua të falënderoj edhe menaxherin tim, shtëpinë time muzikore dhe të gjithë juve për punën e palodhshme, agjentin tim familjen time, miqtë dhe faleminderit NME shumë për këtë çmim. Do të thotë sa e gjithë bota për mua”, ka shkruar Dua në postimin e publikuar në Instagram.
