Një ngjarje e rëndë ka ndodhur pasditen e sotme në Tiranë.
Një 13-vjeçare me iniciale S.B. është rrëmbyer nga persona të paidentifikuar, menjëherë sapo ka zbritur nga furgoni i shkollës.
Policia deklaron se ngjarja ka ndodhur në rrugën “Ndre Mjeda” ose pranë zonës së njohur ndryshe si ish-fusha e aviacionit.
Nëna e saj ka treguar e shqetësuar se ngjarja ka ndodhur në prani të motrës së saj dhe në një intervistë për “Report TV” ka shtuar se vajza është e sëmurë dhe ka orari e ilaçeve.
Pjesë nga intervista, marrë nga Report Tv:
Zonja Dori cfarë ka ndodhur?
Nga cfarë më ka raportuar vajza e vogël, kur ka zbritur nga furgoni rreth orës 15:15 ka qenë duke u kthyer, kur i ka lënë furgoni para pallatit, dikush i është afruar dhe i ka vënë dicka te goja dhe e ka marrë dhe e ka futur në makinë.
Keni pasur konflikte më parë?
Absolutisht! Është për ne është gjendje shoku. Nuk kemi pasur asnjë konflikt.
Vajza juaj ka edhe probleme shëndetin…
Është me diabet dhe mjekohet me insulinë dhe tani që flasim duhet të bënte insulinën.
Cfarë informacioni keni?
Asnjë lloj informacioni. Më thonë se janë në kërkim, por….
Si quhet ilaçi që mjekohet vajza juaj?
Insulinë abitra dhe lancus merr në darkë, njëherë në 24 orë. Vajza është me diabet tipi 1 mjekohet me insulinë, duhet të ushqehet dhe duhet të bëjë insulinën. Tani duhet të pijë insulinë apidra, dhe insulinë lantus merr në darkë që e ka një herë në 24 orë./
