Klubi i Futbollit Tirana është distancuar nga aktet e dhunës së tifozerisë së saj, apo ato që i quan “shfaqje të shëmtuara” në ndeshjen me Partizanin.
Në një njoftim zyrtar, klubi shprehet se ka vënë në dispozicion të policisë, serverat e sistemit të kamerave të stadiumit, për të gjetur dhe dënuar më pas, përgjegjësit e incidenteve në stadium.
Tirana fton Klubin e Futbollit të Partizanit që të ruajë qetësinë dhe të bashkëpunojë me policinë për të gjetur autorët e sulmit dhe incidenteve që ndodhën dje në “Selman Stermasin”.
“Një klub futbolli mund dhe duhet të mos kalojë kompetencat për të folur nxituar herë si hetues dhe herë të tjera si prokuror”, thuhet në deklaratën e klubit të Tiranës.
