Këngëtarja Rezarta Shkurta ka folur si rrallëherë në rrjete sociale për raportin që ka me motrën e saj dhe vetëm vajzat që kanë vetë motra mund ta kuptojnë më mirë!
Nëse po prisni një marrëdhënie tejet normale, e keni shumë gabim!
Me siguri të gjitha keni bërë namin dhe jeni zënë pafund në fëmijëri me motrat tuaja, ashtu si Rezarta ka bërë me motrën e saj.
Këngëtarja tregon se në shtëpi kishte gjithmonë “luftë” dhe e quan fëmijërinë e tyre të vështirë, pasi duhet të aktronin sikur gjithçka ishte në rregull para prindërve.
Nëpërmjet një fotoje, Rezarta tregon si silleshin dy vajzat me njëra-tjetrën në prani të prindërve dhe në mungesë të tyre dhe sigurisht që sjelljet në këto dy raste nuk kishin lidhje me njëra-tjetrën!
Për më tepër, këngëtarja tregon “provat e krimit” kur motra e saj pranon se e ka goditur me tigan, duke shtuar me humor se për shkak të dhunës Rezarta u bë ‘akrobate’.
Jo vetëm kaq! Rezarta shton se e tashmja vazhdon të jetë thuajse e njëjtë për to.
Siç vetëm motrat dinë të të marrin çdo veshje në garderobë, ashtu edhe motra e këngëtares i merr Rezartës gjithçka.
Madje, kjo e fundit tregon me humor se motra nuk i shkon në shtëpi me çantë për t’i marrë rrobat, por me karrocë marketi, që t’i marrë sa më shumë të jetë e mundur!
Kush tjetër gjeti veten në raportin epik të dy motrave?
