Hipokrizia është një sjellje e fshehtë që shpesh maskohet pas mirësisë dhe sinqeritetit të rremë. Njerëzit hipokritë krijojnë një fasadë për të fituar besimin e të tjerëve, ndërsa në prapaskenë veprojnë ndryshe nga ajo që predikojnë. Njohja e këtyre tipareve ndihmon për të ruajtur marrëdhënie të shëndetshme dhe për të shmangur manipulimet.
1. Thonë një gjë, bëjnë një tjetër
Një nga tiparet më të dukshme është kontradikta mes fjalëve dhe veprimeve. Hipokritët flasin për vlera si sinqeriteti dhe drejtësia, por shpesh veprojnë në mënyrë të kundërt kur nuk i shoh askush.
2. Kritikojnë të tjerët për gjëra që vetë i bëjnë
Ata shpesh tregojnë me gisht gabimet e të tjerëve, ndërkohë që janë vetë fajtorë për të njëjtat sjellje. Ky standard i dyfishtë është një shenjë e qartë e hipokrizisë.
3. Përdorin mirësjellje të ekzagjeruar
Një hipokrit mundohet të duket i dashur dhe i ëmbël, shpesh më shumë seç është e natyrshme. Ky teprim në sjellje shërben për të mbuluar qëllimet e vërteta.
4. Flasin ndryshe sipas interesit
Ata përshtatin fjalët dhe mendimet në varësi të personit me të cilin janë. Në një shoqëri mbështesin një mendim, ndërsa në një tjetër thonë të kundërtën, gjithmonë për të fituar avantazh personal.
5. Shfaqin kujdes vetëm kur u leverdis
Hipokritët tregojnë interes për problemet e të tjerëve vetëm nëse kjo u sjell ndonjë përfitim. Në të kundërt, shpesh tregohen indiferentë dhe të ftohtë.
6. Marrin meritat, fshehin fajet
Kur diçka shkon mirë, ata janë të parët që dalin përpara për të marrë lavdërime. Por nëse shfaqet një problem, nuk ngurrojnë të fajësojnë të tjerët për të shmangur përgjegjësinë.
