Doni që të largohen nga vendlindja dhe të gjeni një vend tjetër për të jetuar? Për të gjetur vendin më të lirë për të jetuar, “GoBankingRates” i klasifikon vendet duke marrë parasysh të dhëna nga 4 faktor kryesor:
1.Indeksi i fuqisë blerëse lokale
2.Indeksi i qirasë
3.Indeksi i çmimeve të produkteve ushqimore
4.Indeksi i çmimeve të konsumit: Krahason shpenzimet e mallrave dhe shërbimeve lokale, përfshirë restorantet, transportin dhe shërbimet
Të gjitha të dhënat krahasohen me qytetin e New York-ut. Në mesin e 50 vendeve më të lira, qiraja e shtëpive është të paktën 70% më e lirë se qiraja në New York, produktet ushqimore janë të paktën 40% më lirë, si dhe mallrat dhe shërbimet e konsumit kushtojnë 30% më pak.
Mes 50 vendeve, Shqipëria renditet e 27-ta. Në artikullin e “Time” jepen këto të dhëna:
-Fuqia vendase dhe blerëse është 58.8% më e ulët
-Qiradhënia është 90.8% më e lirë
-Produktet ushqimore janë 72% më të lira
-Mallrat dhe shërbimet vendore janë 64.4% më të lira
“Shqipëria është një vend evropian i vendosur në veri të Greqisë, me më shumë dalje në Detin Mesdhe dhe një popullsi prej 3 milionë banorësh. Industritë më të mëdha të vendit janë industria ushqimore, e produkteve të duhanit, tekstilet dhe e veshjeve. Edhe pse vendi ka një fuqi më të ulët lokal blerëse, sesa shumica e 50 vendeve më të lira, Shqipëria ofron çmime të ulëta për produktet ushqimore, qiratë dhe konsumin e shërbimeve ose mallrave, me një kosto për të gjitha këto që arrin në rreth 630 dollarë në kryeqytetin shqiptare, Tiranë”.
Ndërsa Kosova renditet ndër vendet ku mund të jetohet më lirë.
-Fuqia vendase dhe blerëse është 33.8% më e ulët
-Qiradhënia është 91.5% më e ulët
-Produktet ushqimore janë 75.8% më të lira
-Mallrat dhe shërbimet vendore janë 72.6% më të lira
“Kosova është e vendosur në Evropën Lindore dhe kufizohet me Serbinë, Shqipërinë dhe Maqedoninë. Ajo ka një popullsi prej 1.9 milionë banorësh dhe shfrytëzimi i minierave të minerale dhe materialeve të ndërtimit janë industritë kryesore në Kosovë. Në kryeqytet, në Prishtinë, shpenzimet për një person të vetëm janë vetëm 324 dollarë në muaj. Shpenzimet e qirasë janë gjithashtu të ulta për vetëm 275 dollarë në muaj, për një apartament me 1 dhomë”.
Lista me 10 vendet më të lira për të jetuar në botë:
10.Maqedoni
9.Republika Çeke
8.Paraguaj
7.Oman
6.Zambia
5.Kazakistan
4.Arabia Saudite
3.Kosova
2.India
1.Afrika e Jugut
Burimi: Time
