Duket sikur debati Eva Murati – Rike Roçi – Irid Oxa nuk do të ketë kurrë një fund. Pasi Rike Roçi dhe Eva Murati bënë paqe LIVE teksa ishin të ftuara në “Top Arena”, vëmendja shkon tek Irid Oxa, tifozja kuqezi, e cila në një intervistë për “Panorama Plus”, e cilëson si xhelozi femërore komentin e Eva Muratit për postimin e trajnerit të skuadrës së Liverpool Jurgen Klopp.
“M’u duk absolutisht një xhelozi femerore, duke dashur (ndoshta) znj. Murati të ndezë reflektorët mbi veten. Por kjo ishte një taktikë e gabuar si simulimet e Neymar, pasi ndoshta nuk e kishte aq të nevojshme. Ajo foto nuk u postua nga Rike dhe unë, ashtu si e përdori znj. Murati për të folur mes këtyre gërricjeve për veten e vet. Askush nuk e tërhoqi vëmendjen nga djemtë e Kombetarës, të cilët u vlerësuan dhe këtu fjalët janë të tepërta, por përbri aftësive të tyre, iu shtua një aset më tepër në lidhje me bukurinë femërore shqiptare. Nuk e shoh aspak si një deficit për Shqipërinë, por një plus kur u kujtua edhe një herë në arenën ndërkombëtare të ishte pjesë e këtij sipari, edhe pse nuk ishte pjesë e lojes.” – tregoi ajo.
Sipas Oxës, e gjithë kjo situatë duhej të merret shumë pozitivisht dhe me sportivitet dhe nuk ka aspak nevojë për dramë.
