Ju mund të keni rënë në dashuri me dikë, që në fakt nuk ua kthen dot dashurinë mbrapsht. Por çfarë duhet të bëni?
Ja disa mënyra se si të kapërceni dashurinë e njëanshme:
Pranoni realitetin dhe vazhdoni përpara
Nëse dikush që ju pëlqen nuk tregon shenja se është i interesuar për ju, është më mirë të pajtoheni me këtë gjë. Kur ndjen për një person, i cili nuk ua kthen dot të njëjtat ndjenja, ndihesh e refuzuar. Kjo dhemb, sepse mund të filloni të besoni se diçka nuk shkon me ju. Refuzimi romantik lë pas jo vetëm plagë emocionale, por edhe dhimbje fizike. Hulumtimet sugjerojnë se ata që vuajnë nga thyerja e zemrës janë në një rrezik të lartë të sulmit në zemër.
Kështu që mblidheni mendjen dhe filloni të shpërqendroni trurin tuaj në drejtime dhe punë të ndryshme.
Distancohuni prej tij
Nëse keni vuajtur për shkak të dashurisë së njëanshme, do ta kuptoni se sa e vështirë është të komunikoni me atë që pëlqeni pasi jeni refuzuar nga ai. Tashmë është shumë e vështirë që ju të takoheni dhe të dilni së bashku. Kjo, pasi do të lëndoheni më shumë.
Nëse distancoheni prej tij, ju do të ndiheni më mirë.
Përqendrohuni në gjëra të tjera
Ndërkohë që keni të bëni me dashuri të pashpërblyer, është e lehtë të ngeceni në shtëpi, të mendoni për atë që ju ka ndodhur dhe të dëshironi ta ndryshoni atë, por kjo nuk do t’ju ndihmojë.
Të merresh me hobet e juaja të preferuara si sportet, kërcimi ose piktura, shikimi i serialeve tuaja të preferuara ose kalimi i kohës me miqtë – mund t’ju ndihmojë të shpëtoni nga mërzia- thotë Dr Rohann Bokdawala, psikiatër. Kur jeni të lumtura, trupi juaj prodhon endorfinë, hormone që ndihmojnë në uljen e dhimbjes. Megjithëse mund të mos jeni gati për këtë, por takimi me njerëz të rinj ose shoqërimi me miqtë mund të jetë i dobishëm.
