Të jesh velinë në dy emisionet investigative do të thotë që të hapen shumë dyer në karrierën e televizionit. Të paktën kështu na ka treguar eksperienca në të kaluarën.
Me nisjen e sezonit të ri televiziv, dy emisionet investigative “Stop” dhe “Fiks Fare” prezantuan dy velinat që do të shoqërojnë moderatorët përgjatë 12 muajve në vazhdim. Dhe ndryshe nga sa e prisnim nuk janë njëra bionde dhe tjetra brune.
Siç ishte lajmëruar më herët, dy velinat që do të shoqëronin Saimirin dhe Gentin nuk do të ishin më Alba dhe Ensa, dy balerinat e trupës së baletit në Tv Klan, por dy “kaptere” të reja të anijes së “Stop”-it.
Pak para se të fillonte programi, Saimiri dhe Genti kanë prezantuar dy velinat që do t’i shoqërojnë gjatë këtij sezoni: Alesia dhe Onelda.
Alesia Bami është një emër i njohur në fushën e modës. Pjesëmarrëse në shumë konkurrse bukurie, ajo është vlerësuar edhe me disa çmime. Në “Miss Universe Albania 2014”, Alesia është vlerësuar si shoqëruesja e dytë e Miss-it. Tashmë, jashtë fushës së modelingiut, Alesia do të tregojë edhe aftësitë e saj në balet.
Nga ana tjetër “Fiks Fare”, që drejtohet nga dyshja Devi dhe Dori, ndryshe nga herët e tjera kishte zgjedhur që dy velinat të ishin brune dhe me flokë të shkurtra. Dyshja e zgjedhur janë Vangjeli Telo dhe Sonja Çemeri.
Sonja Çemeri është 22 vjeçe dhe vjen nga qyteti i Lushnjës. Është marrë që e vogël me gjimnastikë dhe kërcim, ku për dy vite rresht ka mbajtur titullin Kampione Gjimnastike. Aktualisht studion në Fakultetin Sporteve në vit të fundit.
Kurse 22-vjeçarja Vangjeli Telo vjen nga Përmeti dhe ka mbaruar studimet për gazetari. Vangji siç e thërrasin të gjithë, ka marrë pjesë në “Miss Universe” në 2015 dhe është e njohur në fushën e modelingut.
Burimi: Iconstyle.al
