Videoja ku studentët godisnin me gurë dhe shkelma derën e Fakultetit Ekonomik në Shkodër bëri xhiron e rrjetit.
Ndërkohë duket se tashmë studentët janë penduar për veprimet e një dite më parë, pasi pohuan se do të paguajnë dëmin bashkërisht.
“Përsa i përket incidentit ditën e djeshme, ne si Fakultet do të marrim një iniciativë për t’u mbledhur të gjithë bashkë dhe për të paguar dëmin që është shkaktuar”, tha një prej studentëve.
Veprimi i pahijshëm i një prej studenteve u filmua ditën e djeshme, ndërkohë që bashkëmoshatarët e saj rrinin dhe e shikonin.
Mësohet se motiv për këtë është bërë fakti që, nuk është hapur godina e re e Fakutetit Juridik dhe Ekonomik që ishte premtuar të hapej në datë 1 janar.
Burimi: NewsBomb
