Një këngëtar që thumbon kolegen e tij publikisht nuk është diçka që mund ta lexojmë shpesh.
Korab Shaqiri irritoi fansat e tij pas një deklarate në Insta Story, se një këngëtare që konsiderohet divë nuk dinte të performonte as këngën e saj live.
Të gjithë ndjekësit e tij dhe mediat menduan se kjo i drejtohej Adelina Ismailit, e cila performoi në emisionin “E Diell”, të dielën.
“Avvv diva i thua vetes e nuk di ta këndosh këngën tënde live, marre. Mjerë kush të dëgjon ty moj vajzë”, shkroi Korab Shaqiri, ndërsa postimet u dyshua se i dedikoheshin divës së muzikës, Adelina Ismailit.
Një prej fanseve të Adelinës dhe ndjekësve të portalit tonë “iconstyle.al”, vendosi që t’i drejtohej privatisht këngëtarit, përmes një mesazhi në Instagram.
Në përgjigjen e tij Korabi tregon se nuk përmendi në asnjë moment emra dhe e gjitha duket se është keqkuptuar nga media.
“Kë shava? Më fal, mos përmenda gjë emër? Mos u merrni me median”, shkruan këngëtari sipas mesazhit të ardhur në inbox-in e “iconstyle.al”.
Pra, tani mbetet enigmë fakti se kujt i drejtohej deklarata e tij!
Burimi: Iconstyle.al
