Miliarderi Jeff Bezos ka “kërcënuar” Leonardo DiCaprion, pasi e dashura e themeluesit të Amazon është kapur në kamera duke “ngrënë me sy” aktorin e famshëm, gjatë një mbrëmjeje gala ditën e shtunë.
Videoja, ku duket 51-vjeçarja Lauren Sanchez që sheh me shumë admirim 46-vjeçarin, është bërë virale.
“E dashura e Jeff Bezos harroi që po shoqëron burrin më të pasur në botë, sapo e përqafoi DiCaprio”, shkruan një komentuese.
Përgjigjja e Bezosit nuk vonoi, me miliarderin që postoi në Twitter një foto ku e “kërcënonte” se do ta hidhte nga shkëmbi. Në të duket Bezos me një tabelë ku shkruhet:
“Leo, afrohu pak, dua të të tregoj diçka. Kujdes, shkëmbin! Rrëzimi është fatal”.
Leo, come over here, I want to show you something… @LeoDiCaprio https://t.co/Gt2v9JZTNz pic.twitter.com/KqGLB839NI
— Jeff Bezos (@JeffBezos) November 8, 2021
Kjo gjë u interpretua në rrjet si diçka reale, por faktikisht Jeff Bezos dhe aktori i njohur janë miq shumë të mirë.
Sipas PageSix, dyshja janë miq prej kohësh madje Leo ishte ai që e ftoi çiftin në gala LACMA Art + Film fundjavën e kaluar – dhe ata janë aq të afërt, madje ata bëjnë edhe pushime së bashku.
Ata kanë gjetur gjuhën e përbashkët nga angazhimi rreth ndryshimeve klimatike, ku të dy janë aktivistë të kësaj fushe.
